Por volta de mil persoas participaron en Ferrol na manifestación nacional que organizou a CIG no Día da Clase Obreira Galega. A denuncia da carestía da vida, a reclamación do Marco Galego de Relacións Laborais e a defensa da soberanía do país foron os eixes sobre os que xirou a marcha do 10 de Marzo.

O 13 de novembro a CIG convocou manifestacións simultáneas nas sete cidades galegas e na Mariña, nesta primeira etapa da campaña da central sindical nacionalista contra a crise económica e as repercusións que está a ter e que terá para a clase traballadora. Esta reportaxe gráfica dá boa conta das distintas mobilizacións que se desenvolveron no noso país.

15.000 traballadoras e traballadores mobilizou a CIG no 1º de Maio de 2008.

01/05/2008.

Fotos con relación á Revoluçao dos Cravos, Portugal, 25 de abril de 1974.

14/05/2008

O mércores 21 de maio a CIG-Ensino convocaba unha nova concentración diante da Consellaría de Educación para solicitar outro Decreto de Bacharelato e con motivo da entrega, no rexistro, das preto de 2.700 sinaturas de mestres en apoio a esta demanda. Sinaturas que se veñen sumar ás xa entregadas e que seguirán medrando en número coas que se recollan nos vindeiros días. Os alumnos de Filosofía sumáronse á protesta cunha contundente afirmación que, desta volta, levaban gravada no corpo: "Filosofía ou barbarie"

A CIG-Saúde convocou, o 23 de abril, concentracións en todos os centros hospitalarios de Galiza para esixir unha reclasificación xusta dos técnicos sanitarios do SERGAS. As imaxes correspóndense coa protesta realizada ese día ás portas do Hospital Juan Canelejo de A Coruña.

O MpDC mobilizou, o 23 de abril, centos de persoas no país contra os ataques ao galego da COPE.

5.000 rapaces e rapazas procedentes de corenta centros de ensino das comarcas de A Coruña, As Mariñas, Eume, Bergantiños, Costa da Morte e Bierzo participaron o 6 de maio na cidade herculina na primeira marcha do Correlingua 2008.

Miles de galegas e galegos acudiron, o domingo 19 de maio, a Compostela para participar na manifestación que baixo o lema "Polo dereito a vivirmos en galego", convocaba a Mesa pola Normalización Lingüística xunto con outras 500 organizacións, colectivos ou asociacións, entre elas a CIG.

Imaxes da primeira xornada de folga da limpeza de edificios e locais da provincia de Pontevedra

O xoves 6 de novembro milleiros de traballadores do sector do Metal, afectados polo convenio provincial de Pontevedra, botábanse ás rúas de Vigo para solidarizarse con catro compañeiros do naval, aos que a Fiscalía solicitaba catro anos de cadea polas mobilizacións do 2007 polo cumprimento do convenio.

Imaxes das xornadas de folga do sector do Transporte de Mercadorías na provincia de Pontevedra desde o 21 de abril de 2008

29/04/2008.

O 17 de novembro comezou na provincia de Pontevedra unha folga polo convenio provincial na limpeza de edificios e locais, por un convenio xusto e que mellore as condicións salariais e sociais destas traballadoras e traballadores. Nesta galería hai imaxes dos distintos grupos de piquetes e das mobilizacións nestes dias.

O Foro da Mocidade de Vigo convocou, para o 24 de abril de 2008, unha folga no ensino medio da cidade polo cumprimento do Decreto 124/2007, que regula o emprego do galego no ensino.

Os traballadores e as traballadoras do Comercio vario da provincia da Coruña secundaron novamente de xeito masivo a segunda folga do sector, convocada polos sindicatos o 28 de novembro de 2008 para dignificar o convenio colectivo.

26/06/2008.

O sábado 29 de novembro tivo lugar na cidade de Vigo o II Congreso da FGAMT da CIG. Nesta galería podedes atopar as imaxes deste evento, das distintas intervencións que se realizaron, asi como da participación que tivo.

As empregadas e empregados do Comercio vario da provincia da Coruña secundaron masivamente a folga convocada polos sindicatos o 17 de outubro de 2008 para dignificar o convenio colectivo.

17/06/2008.

A CIG organizou en Compostela o 21 de febreiro de 2008 unha manifestación contra a carestía da vida.

Os traballadores de Draka manifestáronse en Vigo o venres 13 de xuño por unha "recolocación digna" para estes máis de cen empregados da planta de Mos, da que xa anunciaron o peche para finais do 2008.

O venres 12 de setembro tiña lugar unha histórica manifestación na vila lucense de Quiroga contra o desmantelamento do sector da lousa nesta comarca.

A CIG convocou aos traballadores da automoción da comarca de Vigo a unha manifestación en defensa do emprego na automoción, que percorreu as rúas do centro da cidade de Vigo, e que rematou fronte ao Edificio da Xunta, na Praza da Estrela

Máis de 4000 persoas participaron, o 29 de abril de 2008, na manifestación convocada pola CIG-Ensino en Santiago, para exixir a negociación e a modificación do Proxecto de Decreto de Bacharelato.

Os traballadores e traballadoras do 112 realizaron unha marcha desde o Parlamento Galego até San Caetano, onde entregaron as máis de 4.000 sinaturas que recolleron en apoio ás súas demandas

Baixo o lema 'Marcha con nós para cambiar o mundo', máis de 5.000 persoas manifestáronse en Vigo, con motivo do VII Encontro Internacional da Marcha Mundial das Mulleres, que tivo lugar durante toda a semana e no que participaron delegadas da Marcha Mundial chegadas de case medio centenar de países do mundo.

A CIG convocou concentracións simultáneas en todas as comarcas de Galiza para o día 7 de outubro, para denunciar a grave perda de dereitos que suporá para a clase traballadora a ratificación, por parte do Parlamento Europeo, das modificacións introducidas na Directiva de Tempo de Traballo. Unhas modificacións que contemplan, entre outros aspectos, a xeneralización da posibilidade de ampliar a duración máxima da xornada laboral até as 65 horas semanais ou a relaxación na obriga empresarial de compensar con descansos o traballo realizado a maiores.

07/05/2008.

Os traballadores de Faurecia Asientos de Galicia mobilizáronse o venres 10 de outubro contra o ERE, aprobado pola Inspección de Traballo e pola Consellaria de Traballo, que permite que este sexa o primeiro dos próximos catro venres no que os traballadores quedarán sen traballo.

20/06/2008.

As rúas coruñesas acolleron o 21 de xuño de 2008 a primeira das manifestacións convocadas pola defensa da Ría do Burgo.

O pasado luns día 8 de xuño, os topógrafos do ADIF intentaron tomar posesión dos terreos afectados polo trazado do Tren de Alta Velocidade ao seu paso pola mina de Serrabal. Os traballadores concentráronse de inmediato na zona para impedir que se iniciaran os traballos preliminares ao comezo das obras. Desde aquela permanecen, por quendas, acampados no acceso ao banco cero e manteñen unha barricada con enormes bloques de seixo e cos seus propios camións. O presidente da Xunta, Emilio Pérez Touriño, pretende responsabilizalos dos atrasos das obras. Atrasos que son responsabilidade do propio Ministerio de Fomento e, como eles afirmaban na rolda de prensa celebrada o 17 de xuño, do propio Touriño, por negarse a abrir un diálogo con eles.

A CIG-Ensino e os alumnos de Filosofía concentráronse o mércores día 4 de maio diante da consellaría de Educación "Por un novo Decreto de Bacharelato". A CIG-Ensino tiña preparado un gasallo para a súa titular, Laura Sánchez Piñón: un lote de libros de Historia e Filosofía para que, durante o verán, recupere as asignaturas suspensas ao longo deste curso escolar, practicamente todas. Casualmente só superou, con nota, a asignatura de "relixión católica". Como xa era repetidora a CIG-Ensino entende que o seu titor, Emilio Pérez Touriño, debería deixala fóra do sistema educativa ou, o que é o mesmo, cesala.

Os traballadores da empresa Ramsa afectados polo trazado do AVE sobre a mina de Serrabal organizaron un campamento diante do edificio da Xunta de Galiza en San Caetano.

A rede “Galiza non se vende” convocaba, o 17 de febreiro de 2008 en Compostela, unha manifestación para denunciar “o terremoto de especulación e depredación da terra e do mar que está destruíndo a nosa natureza, a nosa paisaxe e a nosa forma de vida. Está destruíndo, polo tanto, a propia identidade de Galiza, a nosa calidade de vida, a das xeracións vindeiras e mesmo ó planeta”.

Convocada o 21 de Decembro do 2007

Imaxes do partido da selección galega no estadio de Balaídos, o 29 de decembro de 2007