ERGA consolidouse como a referencia máis importante no eido do estudantado.

O 15 de xaneiro de 1978, vai agora tres décadas, realizouse o 1º Congreso de Estudantes Revolucionarios Galegos (ERGA), organización do eido do nacionalismo que se fundara cinco anos antes, a finais de 1972, durante os últimos anos da ditadura franquista e coincidindo no tempo co asasinato en Compostela do estudante Chema Fuentes.

Xulio Ríos: “Dende o primeiro momento, ERGA asumiu a defensa da lingua e cultura nacionais, elaborou moitísimos materiais e formulou múltiples iniciativas para galeguizar o ensino e o sistema educativo. O “LUME”, a nosa revista, é un espello desa orientación”.

Xulio Ríos é o primeiro pola dereita. (Fotos: ©galizacig.com).

O I Congreso de ERGA realizouse na Facultade de Económicas en Compostela, participaron no encontro mil estudantes de todo o país, tanto do ensino universitario como secundario.