O 28 de xuño de 2008 celebrouse a Asemblea Xeral da Caixa de Aforros de Galicia, que entre outras cuestións debía aprobar as contas do exercicio 2007 así como a composición dos órganos de goberno despois da renovación do 50% da Asemblea. A CIG votou en contra da xestión desta Caixa de Aforros por considerar que estamos ante un modelo neoliberal e especulativo negativo para Galiza e moi agresivo no laboral.

Nova relacionada:

Imaxes correspondentes ao conflito de MAFECCO, empresa téxtil coruñesa que no verán de 2006 pretendía emprender un Expediente de Regulación de Emprego (agora desautorizado por sentenza xudicial), despedir as 70 traballadoras da fábrica de Arteixo e deslocalizar a produción a China.

Nova relacionada:

O sábado 21 de xuño tiña lugar a manifestación pola defensa da ría do Burgo, que xuntou a 2.000 persoas na cidade da Coruña, contra os verquidos e na defensa do sector marisqueiro da comarca.

Este video é un resumo desta marcha, e contén ademais unha entrevista cun traballador do mar, afectado por este conflito.

Nova relacionada: 

O mércores 4 de xuño, celebrouse unha concentración de delegados/as da CIG-Ensino, diante da Consellaría de Educación, para protestar contra o anteproxecto de decreto do bacharelato á que se sumaron os/as alumnos/as da facultade de Filosofía de Santiago.

Neste acto simbólico, a CIG-Ensino entregou, no rexistro da Consellaría de Educación, un boletín de notas de avaliación final de 1º de Bacharelato da alumna Laura Sánchez Piñón no que esta suspende en case todas as materias, levando un 0 en disciplinas fundamentais para a formación do alumnado como son a Historia e a Filosofía, se ben, temos que subliñar que mereceu un 10 en Relixión.

Á vez, entregouse un lote de libros de Filosofía, Historia, Tecnoloxía e Música, para que no verán a Conselleira trate de recuperar estas materias damnificadas polo decreto. De non ser así e posto que xa o ano pasado tivo que ser suspendida pola súa actuación no horario da ESO e a supresión da xornada reducida de verán, entendese, desde CIG-Ensino, que non debe repetir máis unha vez e que, polo tanto, debe quedar fóra do sistema educativo, isto é, debe dimitir; ou no seu caso, o titor, Emilio Pérez Touriño, debía cesala.

Logo das concentracións diante da Consellaría (15 de maio, 23 de maio), Consello Escolar (28 de abril), folga e manifestación o día 29 de abril, entrega de 2.600 sinaturas, actos nos centros de ensino con aulas abertas, etc., a Conselleira segue a negarse a recibir os representantes do profesorado para tratar un decreto esencial como é este.

A CIG-Ensino, vai a seguir a dar a batalla pola mellora deste decreto que deixa a Galiza nunha situación marxinal respecto do resto do Estado no peso destas materias.