A CIG celebra a II Edición do Premio do Día da Clase Obreira Galega

Cos premios do Día da Clase Obreira Galega, a CIG, ademais de lembrar esta significativa data, pretende –a medio dun agasallo– recoñecer publicamente aquela loita dos traballadores e traballadoras que sobresaíra durante o ano anterior polas súas características e por servir de exemplo para o futuro.

No decurso da mañá celebrarase unha asemblea para tratar sobre eleccións sindicais e negociación colectiva. Ao remate da mesma, contra as 14:15 horas, terá lugar o xantar de confraternización e cos postres, a actuación de ‘Mini e Mero’.

O acto, que terá lugar no Hotel Porta do Camiño, en San Lázaro, pechará coa entrega, a partir das 16:00 horas, do Premio do Día da Clase Obreira Galega e coa intervención do secretario xeral da CIG, Suso Seixo.

Entre as entidades e asociacións convidadas figuran:

• Consello Galego de Relacións Laborais.
• Asociación Socio-Pedagóxica Galega.
• Asociación de Escritores en Lingua Galega.
• Asociación de Editores en Lingua Galega.
• Asociación Galega de Historiadores.
• Fundación Alexandre Bóveda.
• Fundación Galiza Sempre.
• Fundación Bautista Álvarez.
• Fundación Castelao.
• Esculca.
• Xustiza e Sociedade.
• Asociación Galega de Comunidades de Montes.
• Movemento polos Dereitos Civís.
• Mesa pola Normalización Lingüística.
• ADEGA.
• Sindicato Labrego.
• Bloque Nacionalista Galego.
• Fronte Popular Galega.

Ademais, están convidados, entre outros, Xesús Iglesias, Benigno Sánchez, Manuel Veiga, Luís Álvarez Pousa, Xavier Vence, Xosé Díaz, Ana López Suevos, Mª do Carmo García Negro, Carlos Domenech de Aspe, Fernando Blanco Parga, Xaime Cabeza, Emilio Fernández de Mata, Fermín Paz Lamigueiro e Olaia Fernández Davila.