Convocada legalmente a folga do Comercio vario da Coruña

A folga no Comercio vario da provincia da Coruña, programada para o 17 de outubro, foi convocada legalmente polos sindicatos CIG, UGT e CCOO sete días antes da data fixada coa entrega dun escrito na Subdelegación do Goberno español na cidade herculina.

Os traballadores da Coruña capital e das comarcas adxacentes están convocados a unirse ao principal piquete informativo, que se conformará ás 9:00 horas do 17 de outubro nas inmediacións do centro comercial Catro Camiños (na entrada da rúa Ramón y Cajal).

A campaña informativa acentuouse na cidade nos últimos días, co reparto masivo de folletos reivindicativos nos estabelecementos, coa colada de cartaces e colantes e co despregamento de faixas alusivas á folga nas principais pontes e viadutos da Coruña.

Outras novas relacionadas