O deporte de base solidarízase cos traballadores/as das lousas e organizan partidos para recadar fondos na zona

Con motivo da situación pola que estan a pasar as traballadoras e traballadores da lousa, constutuíse un comité organizador de eventos deportivos en apoio destas compañeiras e compañeiros que nestes momentos se atopan sen traballo. Disputaranse tres encontros deportivos do 4 ao 8 de decembro, aos que se pode asistir cun bono único de dez euros, que se pode mercar nos locais das centrais sindicais.

Manifestación en defensa da lousa Quiroga IV

Os eventos deportivos que terán lugar en solidariedade cos traballadores e traballadoras da lousa son:

- 4 de decembro, ás 20.30, no Polideportivo da Pinguela (Monforte), fútbol sala: "Selección de Monforte contra o Vilamartín".

- 6 de decembro, ás 18.30, no Polideportivo da Pinguela (Monforte), voleibol Superliga.

- 8 de decembro, ás 16, partido de fútbol da selección zona sur de Lugo contra unha selección de Valdeorras.

Para acudir a estes eventos solidarios, só tes que comprar un bono único, que se merca nos locais sindicais de CIG, CCOO e UGT, a un prezo de 10 euros.

Aportacións económicas

Tamén realizan un chamamento á solidariedade activa económica, con aportacións economicas no seguinte número de conta: BANCO PASTOR, 0072 0204 66 0000110756.