A CIG de Ourense organiza unha xornada de prevención sobre o amianto

A CIG na Comarca de Ourense acordou continuar coa Campaña sobre amianto realizando unha Xornada Técnica sobre a problemática do Amianto, o impacto na saúde dos traballadores e traballadoras que o manipulen e os dereitos que existen en canto á protección e vixilancia da saúde.

Tubarias de fibrocemento, que conteñen amianto, en Ourense.

Para falar dos aspectos médicos contase coa presencia dun Neumólogo do Instituto Nacional de Silicose de Oviedo e para falar en nome das vítimas o Presidente de AGAVIDA.

A Xornada vai destinada a delegados e delegadas da CIG, así como a técnicos de prevención que estea interesada no tema e celebrarase o vindeiro martes día 13 de maio no Salón de Actos do Centro de Saúde de Valle Inclán de acordo co programa que achegamos ao remate desta nova.

Estan convidados á mesma os Delegados Provinciais de Traballo e Sanidade, Tenencia de Alcaldía, Concelleira de Urbanismo e técnicos destas institucións.

Xornada técnica: "O traballo con amianto: perigo. Xornada de prevención de riscos".

09.30 - Recepción de participantes e entrega de documentación.

09.45 - Presentación dos obxectivos da xornada.

Etelvino Blanco, Secretario Comarcal CIG-Ourense.

10.00 - A asbestose: aspectos sindicais.

Anxo Pérez Carballo , Gabinete Técnico de Saúde Laboral.

10.30 - A asbestose: aspectos médicos.

Gumersindo Rego , Neumólogo do Instituto Nacional de Silicose.

12.00 - Pausa-Café.

12.30 - A experiencia da Asociación Galega de Vítimas do Amianto, AGAVIDA

Cristobal Carneiro Mella , Presidente de AGAVIDA.

13.30 - Debate e dúbidas.

14.00 - Clausura xornada.

Alfonso Tellado Sande. Director do Gabinete Técnico de Saúde Laboral.

Xantar