Vigo, 13/6/2008

imprimir

Alberto Millara, presidente do Comité de Empresa de Draka Cables e delegado da CIG, altofalante en mán.

Imaxe do remate da manifestación fronte ao Edificio da Xunta en Vigo, na Praza da Estrela

Esta obra está baixo unha licenza de Creative Commons.

: deslocalización : : draka cables : : manifestación : : vigo :

Exixen apoio da Xunta

Os traballadores de Draka Cables maniféstanse polas rúas de Vigo contra a deslocalización

Os 100 traballadores e traballadoras da empresa de cableado Draka, ubicada en Mos, acudiron o venres 13 de xuño a Vigo, onde celebraron unha manifestación na que reclamaron á empresa unha "recolocación digna", asi como exixiron á Administración que lles axude a lograr unha solución ao problema xurdido desde que a dirección da empresa anunciara o peche da planta a finais deste ano.

Manifestación de Draka Cables en Vigo 13 de xuño I

Xunto a estes traballadores e traballadoras, tamén acudiron a esta mobilización representantes das tres centrais sindicais presentes no comité de empresa. Esta manifestación quixo ser unha mostra máis de rexeitamento á solución que aporta a empresa para este colectivo: os traballadores, até agora todos indefinidos, serían reubicados noutros centros a través de contratacións de seis meses co 80 por cento do salario base e sen recoñecemento da antigüidade.

“Draka non se pecha”

A manifestación partiu pasadas as once da mañá da Via Norte e remataba unha hora despois diante da delegación da Xunta en Vigo, na praza da Estrela. O berro unánime de “Draka non se pecha” ecoou ao longo de todo o percorrido polas principais rúas do centro desta cidade.

O presidente do comité de Empresa, Alberto Míllara, explicou que a mobilización tamén queria por de manifesto que “os traballadores e traballadoras de Draka nos sentimos orfos e reclamamos o apoio decidido da Xunta con este tema”.

Reunión con Traballo

Por isto, ao remate da marcha, diante da sede da Xunta, o comité de empresa da planta de Draka en Mos reuniuse co delegado provincial de Traballo, Pedro Borrajo, a quen entregaron documentos sobre a súa situación actual e pedironlle que realice unha labor de intermediación para tentar solucionar o conflicto, que comezou polo anuncio do peche desta factoria.

Draka Holding NV está presente en 30 países de Europa, Norteamérica, Sudamérica, Asia e Australia, e as súas 68 compañias empregan a máis de 9.000 persoas. Draka Cables Vigo caracterizase polos seus altos niveis de produtividade e de competitividade industrial, conseguindo nos últimos anos os mellores niveis de calidade, servizo, desenvolvemento en novos produtos e innovación, de todas as plantas de Draka Holding NV no sector da automoción.