Vigo, 14/5/2008

imprimir

Alumnado do IES Pintor Laxeiro portando unha faixa na defensa da língua na Praza do Rei.

Profesores e profesoras da CIG Ensino participaron activamente ao longo de toda esta mobilización.

Esta obra está baixo unha licenza de Creative Commons.

: Correlingua : : vigo :

Maré azul polo idioma

Máis de 3.000 nenos e nenas participan no Correlingua en Vigo

Trinta e cinco centros de ensino participaron nesta edición do Correlingua na cidade de Vigo, que xuntou a milleiros de rapaces e rapazas polo uso do galego nesta cidade.

A chuvia non evitou que se celebrara esta edición do Correlíngua na cidade de Vigo, que xuntou a máis de 3.000 nenos e nenas da comarca de Vigo. Asi, a só dous días da derradeira xornada, que terá lugar en Verín e Ourense, o Correlingua vén de rexistrar en Vigo unha das cifras de participación máis altas.

O Correlingua saíu da Praza do Rei ao redor das 11 da mañá, e durante unha hora esta maré azul de nenos e nenas percorreron a cidade de Vigo até o parque de Castrelos.

Logo de ler o manifesto desta convocatoria, os estudantes presenciaron o espectáculo de Chévere, de Luis Caruncho e BIeito Lobariños, así como un grupo de pequenas pandereteiras dun colexio da comarca, e para rematar actuou a banda boirense Sínefres.

Ademais, desde as once da mañá no Parque de Castrelos houbo actividades e xogos para os máis pequenos, as nenas e nenos de nenos de seis anos.