Comeza a folga indefinida no servizo de limpeza do concello de Nigrán

Os case trinta traballadores da empresa concesionaria do servizo de limpeza, Cespa, comezaron este 14 de xullo a folga convocada pola negociación do convenio colectivo. Os traballadores concentráronse diante do concello para demandar a actuación da administración local neste conflito.

Seguimento total no primeiro dia de folga e xornada tamén de concentración diante do concello de Nigrán para visibilizar un conflito laboral aberto neste concello do sul da comarca de Vigo.

Os traballadores comezaban así o 14 de xullo a folga no servizo de limpeza no concello de Nigrán, que ten carácter indefinido. O persoal de Cespa demanda un convenio xusto, no que se recollan melloras laborais, económicas e sociais.

Servizos mínimos impugnados

Os servizos mínimos fixados polo concello de Nigrán non foron asumidos polos traballadores, que están a realizar os servizos mínimos que presentaron, é dicir, limpeza do mercado, ambulatorios e as papeleiras das praias. Os servizos xurídicos da CIG xa recorreron estes servizos mínimos presentados polo concello, por abusivos