Comeza a folga na empresa de Pérez Lafuente

Ás seis e media da mañá comezaban a chegar as piquetes á fábrica de Conservas Pérez Lafuente en Vilanova de Arousa. Alí permaneceron durante todo o día as perto de trinta mulleres que conseguiron parar a produción desta fábrica, na demanda de carga de traballo e por un plan de futuro para esta empresa.

Folga das traballadoras de Pérez Lafuente 15 de maio I

As traballadoras de Pérez Lafuente continúan en pé de guerra polos seus dereitos como traballadoras nesta empresa, na que moitas delas mesmo levan desde os 12 anos, e na que neste case medio ano só traballaron unha media de 20 días.

Por iso, como unha nova medida de presión máis e diante da negativa de diálogo por parte da dirección da conserveira, comezaban o 15 de maio unha folga que terá continuidade 16, 21, 23, e 25 deste mes.

Momentos de tensión

Ao longo do día vivíronse momentos de tensión, xa que houbo unha presenza da guardía civil importante para salvagardar o "dereito ao traballo", mais aínda así non evitaron que se creara só con esta primeira xornada atrancos importantes na producción.

Durante toda a xornada estiveron concentradas na fábrica, para evitar calquera movemento, e continuarán o 16 de maio coa mesma forza "porque non imos permitir que nos rouben o noso presente".