Os traballadores de Cedonosa concéntranse diante da fábrica para reclamar subministro eléctrico

Desde as doce da mañá o conxunto do persoal de Cedonosa concentrábase diante das dependencias desta factoría para reclamar a necesaria recuperación da luz para que poda retomarse a actividade produtiva desta fábrica. Esta manifestación repetirase todos os dias até que volva o subministro eléctrico a Cedonosa.

Concentración Cedonosa pola volta da luz I

'A impresión que temos por parte dos traballadores é que non existe unha vontade clara por parte da dirección de poñer a producir a factoría', manifestaba nesta concentración o presidente do comité de empresa, Ramón Conde.

Así estes traballadores comezaban o 22 de maio unha serie de concentracións ás doce da mañá diante da sede da empresa para reclamar da dirección da empresa e de Endesa que se restableza o servizo eléctrico na fábrica, para poder restablecer a produción e facer fronte aos pedidos que están a recibir.

Empresa viábel

Ramón Conde, presidente do Comité de Empresa de Cedonosa, da CIG, en declaracións aos medios de comunicación ali presentes, subliñou que "Cedonosa é viábel, porque temos pedidos e un mercado, pero o que se esconde detras de todo isto é a vontade de facer un peche patronal, vender os terreos e continuar a especular co noso futuro e o de moitas familias de Catoira.