A CIG agranda a maioría absoluta na UTE - Langosteira nas eleccións pola ampliación do comité de empresa

A CIG conseguiu os catro representantes que estaban en liza nas eleccións sindicais celebradas entre os traballadores da UTE-Langosteira para a ampliación do comité de empresa. A estes novos delegados hai que sumarlle os outros catro que ten o sindicato nacionalista no órgano de representación dos obreiros contratados pola Unión Temporal de Empresas encargada da construción do porto exterior coruñés.

Obras do porto exterior de A Coruña.

Os presentes resultados permítenlle á CIG contar con 8 dos 9 delegados dos que dispón o comité de empresa da UTE-Langosteira. O outro sindicato con representación é UGT. Nas eleccións pola ampliación do comité participou aproximadamente o 75% do cadro de persoal, conformado por 135 traballadores.