A CIG gaña as eleccións en Pumade SA

Na terceira semana de maio celebráronse as Eleccións Sindicais en Pumade s.a. (grupo Portadeza) unha das maiores empresas da comarca do Deza e a meirande do sector (carpinteria) na provincia de Pontevedra. A CIG gañou as eleccións nesta importante empresa, superando os atrancos e presións sobre os traballadores que exerceu a dirección neste proceso electoral.

A CIG conseguiu desta vez presentar candidatura no colexio de especialistas e non cualificados, tras varios intentos en anos anteriores defenestrados pola actitude dirixista da empresa. A dirección non permitia ningunha candidatura que non tivese a sua conformidade, e, deste xeito, o que acontecía en cada proceso electoral é que a patronal da empresa repartia delegados amabelmente entre UGT e CCOO e forzaba a dimison en masa da candidatura da CIG.

Fortes presións en todo o proceso

Aínda que se puido presentar a candidatura, as presións continuaron de diversos xeitos como o despedimento de candidatos en momentos previos a entrega de candidaturas, mediante a chantaxe ofrecendo indemnizacións por despido moi por riba das correspondentes; Deslexetimar á CIG con mensaxes difamatorias por parte dos encargados e responsábeis de RRHH, e alegre recomendación de voto para as candidaturas oficias de UGT e CCOO.

Pesie a estas actuacións a candidatura da CIG mantivose e gañou as eleccions tanto en número de delegados como de votos ainda que só se presentou candidatura nun colexio mentres que os demais, CCOO e UGT, concorrian nos dous colexios posíbeis, amparados polo aparato da empresa.

O resultado foi o seguinte:

Sindicato	Colexio tecnico-administrativo		Colexio Especialistas e non cualificados		Total
Sindicato	votos	delegados	votos	delegados	votos	delegados
CIG	n/p	n/p	79	4	79	4
CCOO	14	1	36	2	50	3
UGT	10	1	18	1	28	2