Compostela, 28/7/2008

imprimir

Esta obra está baixo unha licenza de Creative Commons.

: Antela Estación de Servicio S.L. : : CIG-Verín : : liberdade sindical :

Ten que indemnizar á CIG con 3.000 € por vulneración do dereito á liberdade sindical

Antela Estación de Servizo S.L, condenada a readmitir a dúas traballadoras despedidas

O xulgado do Social nº 3 de Ourense vén de condenar á empresa Antela Estación de Servizo S.L. a indemnizar á CIG con 3.000 € por ter violado o dereito fundamental de liberdade sindical ao despedir a dúas traballadoras, candidatas da CIG, para impedir a súa concorrencia ás eleccións sindicais.

Ademais, con carácter previo, os xulgados do Social nº 2 e 3 de Ourense xa condenaran á mesma patronal a readmitir ás candidatas da CIG por ter sido obxecto de despedimentos nulos, en vulneración dos seus dereitos fundamentais.

Desde a Unión Local da CIG de Verín salientan que estas setenzas deben de servir de exemplo para “aqueles que cren que poden facer o que lles peta cos dereitos dos traballadores/as; aconsellándolles que tomen boa nota dos resultados que produce marxinar aos traballadores/as afiliados/as ao noso sindicato”.