“Pull and Bear Logística” de Narón paralízase nunha folga de 24 horas

A planta de “Pull and Bear Logística” de Narón permaneceu sen actividade na folga de 24 horas que se desenvolveu o 7 de outubro. Esta medida de presión foi acordada polo comité de empresa (CCOO e CIG) logo de que esta firma do grupo Inditex despedise tres operarios, dous deles de baixa laboral.

Piquete ás portas da planta de Pull and Bear Logística, no polígono de Río do Pozo, Narón.

O labor intenso dos piquetes informativos impediu desde a madrugada do 7 de outubro o acceso de calquera persoa ao interior da planta, na que traballan por volta de 300 traballadores e traballadoras.

A protesta contou co apoio solidario de obreiros doutras empresas do grupo Inditex que se achegaron ao polígono naronés do Río do Pozo desde diferentes puntos do país.

Os representantes dos traballadores indican que as accións de loita non cesarán até que os tres compañeiros sexan readmitidos.