A Coruña, 8/2/2008

imprimir

Esta obra está baixo unha licenza de Creative Commons.

: As Pontes : : carbón : : Meirama : : Plan Miner II :

Demandan que os traballadores das contratas e subcontratas das minas non sexan excluídos das incorporacións e das prexubilacións

Delegados sindicais das auxiliares do carbón concéntranse na Delegación do Goberno

Delegados sindicais da CIG nas empresas auxiliares das minas de Meirama e As Pontes concentráronse o 7 de febreiro diante da Delegación do Goberno español en A Coruña. Posteriormente, rexistraron dous escritos dirixidos ao Goberno do Estado para que poña fin á discriminación que padecen os empregados das auxiliares da minaría do país.

Delegados sindicais da CIG nas empresas auxiliares das minas de Meirama e As Pontes concentráronse o 7 de febreiro diante da Delegación do Goberno español en A Coruña. (Fotos: ©galizacig.com 07/02/2008).

No primeiro escrito, reclaman que o Ministerio de Industria faga valer as diferentes resolucións adoptadas pola Cámara galega e polo Congreso dos Deputados que apoian as incorporacións ás empresas principais e as prexubilacións dos traballadores das auxiliares da minaría galega do carbón. No segundo, os representantes sindicais de As Pontes denuncian o proceso de incorporacións a Endesa, que non se ativo á legalidade, e que ademais é insuficiente pois tan só se integraron 80 operarios mentres que outros 60 foron excluídos pese a que reúnen os requisitos para beneficiárense delas.

As minas de lignito pardo de Meirama e de As Pontes pecharon o pasado 31 de decembro. 200 operarios de empresas auxiliares traballaban na primeira e 300 na segunda.

Novas relacionadas