Traballadores e traballadoras da seguridade privada que realizan os seus servizos para a Xunta concentráronse diante do complexo de edificios administrativos de San Lázaro para reclamar a equiparación salarial ao persoal laboral da administración pública. A CIG reclama tamén que o servizo de seguridade privada volva ser público.

O Secretario Nacional da Federación de Servizos da CIG, Paulo Rubido, reclamou a Secretaría Xeral do Sergas que non adxudique a VIPROGA o concurso de servizo de seguridade privada do Complexo Hospitalario Universitario de Santiago de Compostela. A empresa, que leva xestionando este servizo 18 anos, cometeu múltiples irregularidades cos seus traballadores e mesmo enganou á dirección do centro presentando falsos partes de servizos.

A patronal do sector de seguridade privada manifestaba, na última xuntanza da mesa negociadora do convenio, o pasado 11 de novembro, a súa negativa a abordar cuestións económicas e a aceptar a proposta dun incremento salarial do IPC máis dous puntos, sob pretexto da situación provocada pola crise económica. Para a CIG-Servizos esta posición é inadmisíbel e xa anunciou que de manterse optará pola mobilización.

CIG-Servizos quere trasladar a súa solidariedade e apoio a Margherita Calderazzi, sindicalista e militante comunista italiana, recentemente condenada a pagar 100.000 euros por ser a “instigadora” dunha pintada contra o patrón de “ILVA spa”, importante empresa de aceiro da cidade de Tarento.

A CIG valora moi positivamente o seguimento da folga convocada para este luns día 3 de novembro en Lorenzo Froiz, do Grupo Froiz. Con esta mobilización as traballadoras manifestaron a súa intención de responder con contundencia a todas as agresións e abusos que se produzan por parte da empresa. Nesta ocasión a sanción encuberta á presidenta do Comité Lucía Freire foi interpretada como unha agresión a todas as traballadoras e traballadores o que posibilitou unha participación tan masiva na xornada de folga.

O martes 22 ás 21.30 terá lugar un concerto, organizado pola CIG-Servizos, na Casa das Atochas (rúa Atocha Alta 14, Montealto) do grupo arxentino "Las Manos de Filippi". Este acto é continuador do ciclo de cinema obreiro realizado no mes de maio no Forum Metropolitano da Coruña, e proseguen así na cidade da Coruña, e a través da federación de Servizos da CIG, as actividades culturais e proletarias dirixidas aos traballadores e traballadoras desta comarca.