Un numeroso grupo de traballadores e traballadoras do servizo de emerxencias 112 de Galiza acudía o 9 de setembro a unha nova marcha para reclamar que se escoiten as súas demandas, así como para facer entrega no edificio administrativo da Xunta das máis de 4.000 sinaturas de apoio que teñen recollido ao longo dos últimos meses.

A dirección da empresa “Top Rank”, multinacional inglesa propietaria do bingo “Ciudad de Santiago”, readmitiu a traballadora despedida no mes de xullo de forma improcedente, logo de varias xornadas de mobilizacións diante das portas deste negocio. Se ben é certo que nesta empresa houbo tres despedimentos, dous dos traballadores admitiron a indemnización proposta. Porén, a empregada non aceptou a improcedencia do seu despedimento e proseguiu na loita pola súa readmisión, que finalmente conseguiu.

Os delegados sindicais de todos os sindicatos con representación na Xunta de Persoal funcionario e Comité de Empresa do persoal laboral do Concello de Santiago, xunto co persoal municipal libre de servizo ou na súa pausa regulamentaria, veñen de convocar unha manifestación na Praza do Obradoiro para este xoves, día 26 de xuño, ás 11,30 horas.

“Hai que ter en conta as necesidades dos pobos, e deixar de importar modelos foráneos, para conseguir o benestar de todos, e non só duns poucos”, asi comezaban, coas palabras de Fermín Paz, administror da Asociacion Dereito á Enerxía, as xornadas de traballo desta entidade en Santiago de Compostela, pasadas as nove e media da mañá, no Hotel Tryp de San Lázaro.

Participarán os membros do Buró ou Comité Executivo da Asociación Dereito á Enerxía que virán de países como Nixeria, Madagascar, Sudáfrica, Francia, Romanía, Rusia, Brasil, Colombia, Paraguai, México, e tamén haberá representantes de Portugal e de Galiza.

Representantes das organizacións sindicais CIG, UGT e CCOO, o Colexio de Avogados de Santiago, o Colexio de Procuradores, graduados sociais e avogados laboralistas de bufetes privados demandaron, en rolda de prensa, a creación do Xulgado do Social nº 3 de Compostela para solucionar o problema de saturación que actualmente padece o nº 2. Entre mentres, solicitan do Consello Xeral do Poder Xudicial que se asigne un xuíz de reforzo.