A CIG, con presenza nos Comités de Empresa da provincia de Pontevedra no Grupo Froiz, continúan a mobilizarse pola xornada continua. Desta volta foi no Froiz situado na rúa Gregorio Espiño, en Vigo, como xa fixeran noutros centros de traballo desta cadea de supermercados.

Anxo Louzao e Dores Fernández, secretarios nacional e da Muller de CIG-Ensino, presentaron en rolda de prensa as conclusións dun estudo sobre a participación das mulleres na dirección dos centros educativos, que evidencia a baixa presenza das mulleres na dirección dos centros, malia ser maioría no profesorado. Por iso, CIG-Ensino demanda da Consellaría de Educación que se elabore un Plan de Igualdade para o Ensino.