O Xulgado de Instrución número 3 de Ferrol condenou o secretario comarcal da CIG, Xesús Anxo López Pintos, a unha multa de 90 euros como autor “dunha falta de coaccións” por lle recriminar ao encargado dunha obra en Mugardos da construtora “OYC Compostela” que catro operarios portugueses levasen mes e medio sen cobrar. López Pintos recorrerá a sentenza, que tamén o obriga a aboar as costas procesuais.

Eduardo Álvarez, secretario comarcal da CIG-Ensino, foi condenado a pagar 200 euros de multa e 5.000 de indemnización ao xuíz-decano de A Coruña, Antonio Fraga Mandián, logo de que este o denunciase por unhas presuntas inxurias. Eduardo Álvarez recorreu o fallo esta mesma mañá e solicita a súa absolución ou, subsidiariamente, a nulidade da sentenza coa conseguinte repetición da vista oral, ao térense conculcado gravemente dereitos fundamentais.