O Xulgado do Social nº1 de Ferrol vén de revogar a sanción de suspensión de emprego e soldo dun mes á traballadora eventual de Correos que presta os seus servizos na zona do Seixo, dependente da Oficina de Fene. Correos deberá reporlle o salario de 1.301 euros que deixou de percibir no mes de abril, cando se cumpriu a sanción.

Delegados da CIG-Correos de toda Galiza concentraranse en A Coruña o 2 de xullo diante da Delegación do Goberno español para reclamar a actualización dos suplidos por aportación do vehículo para os carteiros das zonas rurais que empregan o seu coche particular no reparto. Estes empregados chegan a pór até 100 euros mensuais do seu peto no desempeño do seu traballo.

Redución de persoal, salarios indecentes, precariedade laboral, procesos de contratación irregulares e redución do servizo de reparto coa aplicación do decreto polo que se crean os chamados ‘contornos especiais’. Así retrata CIG-Correos a situación laboral e a calidade do servizo desta entidade. Por iso vén de anunciar unha campaña de mobilizacións que se iniciou este mesmo xoves cunha concentración diante das dependencias que Correos ten en Compostela, neste caso, para denunciar o escurantismo nas contratacións de persoal eventual.

CIG-Correos vén de pór en marcha unha campaña en demanda do reforzamento do cadro de persoal desta entidade no concello de Ames. A campaña comezou cunha concentración celebrada o pasado xoves, 12 de xuño e continuará con mobilizacións que se desenvolverán ao longo do ano.

A CIG-Correos esixe unha resposta inmediata por parte da Dirección de Correos ante a situación que se está a vivir no Concello de Culleredo e na localidade de O Temple (Cambre), para que amplíe o número de carteiros no Centro de Reparto de O Burgo en 8 traballadores (6 para Culleredo e 2 para O Temple) e abra unha oficina de atención ao público na zona de O Burgo. A metade dos envíos que entran no Centro de Reparto de O Burgo non se distribúe aos seus destinatarios.

Os traballadores e traballadoras de Correos, convocados por CIG-Correos, percorreron, o pasado xoves día 28 de febreiro, as rúas compostelás en demanda dunhas condicións laborais e salariais dignas. Ademais, exixiron que o servizo de Correos sexa público, galego e de calidade. A manifestación partiu ás 18:00 horas da Praza de Cervantes e rematou na Praza do Toural.