A contrata de telemárketing “Unísono” despediu nos últimos días 45 persoas en Vigo alegando o remate dunha campaña que denominaba “Desbordamento Campaña de Orange”, que como o seu nome indica encubría unha contratación fraudulenta por acumulación de tarefas. Como transfundo, un novo proceso de deslocalización.

Ante os desmentidos efectuados pola multinacional xermana Bosch relativa aos despedimentos no seu centro de traballo de Vigo, a sección sindical de Bosch da CIG aclara a través dun comunicado de prensa as noticias que apareceron a este respecto nos medios de comunicación nos últimos dias.

O 17 de xullo tivo lugar a primeira mobilización contra os despedimentos anunciados por Bosch, na que participaron compañeiros e compañeiras despedidos/as xunto con delegados e delegadas da CIG. A mobilización iniciouse cunha concentración en Vigo-3 na Avenida de Madrid, e posteriormente os e as participantes desprazaronse en manifestación ata Vigo-2 onde procederon a concentrarse de novo contra o acoso laboral e os despedimentos.

A semana pasada os responsábeis da empresa de telemárketing Bosch en Vigo anunciaron o que cualificaron como “despedimentos masivos” alegando baixada da carga de traballo. O pasado venres 11 de xullo comezaban a vaga de despedimentos.

Cedonosa atópase no concurso de acredores ordinario que se está a levar no Xulgado do Mercantil nº1 de Pontevedra. Dentro deste procedemento a empresa solicitou a extinción de 26 contratos e a conversión de 11 en fixos descontinuos. Por parte do Xulgado instouse as partes a que tal e como establece a lei concursal se iniciara o período de consultas para negociar de boa fe un acordo do ERE.

Os 100 traballadores e traballadoras da empresa de cableado Draka, ubicada en Mos, acudiron o venres 13 de xuño a Vigo, onde celebraron unha manifestación na que reclamaron á empresa unha "recolocación digna", asi como exixiron á Administración que lles axude a lograr unha solución ao problema xurdido desde que a dirección da empresa anunciara o peche da planta a finais deste ano.