O venres 27 de xuño tiveron lugar as eleccións sindicais en Viza, nas que a CIG gañou por maioría absoluta. Estes comicios eran eleccións parciais ao pasar de máis de 500 empregados nesta factoría.

A CIG valora moi positivamente o apoio maioritario que o persoal do Consorcio vén dar á candidatura presentada pola CIG, o que supón ter a maioría absoluta nos tres comités de empresa: Ourense, Pontevedra e A Coruña.

A CIG conseguiu os catro representantes que estaban en liza nas eleccións sindicais celebradas entre os traballadores da UTE-Langosteira para a ampliación do comité de empresa. A estes novos delegados hai que sumarlle os outros catro que ten o sindicato nacionalista no órgano de representación dos obreiros contratados pola Unión Temporal de Empresas encargada da construción do porto exterior coruñés.

A CIG gañou as eleccións sindicais en EMESA, empresa especializada en estruturas metálicas radicada en Coirós, ao conseguir 6 delegados, fronte aos 4 obtidos por CCOO e aos 3 de UGT. Os presentes resultados adquiren unha especial relevancia para a central nacionalista ao tratarse da primeira ocasión en que presenta candidatura.

Na terceira semana de maio celebráronse as Eleccións Sindicais en Pumade s.a. (grupo Portadeza) unha das maiores empresas da comarca do Deza e a meirande do sector (carpinteria) na provincia de Pontevedra. A CIG gañou as eleccións nesta importante empresa, superando os atrancos e presións sobre os traballadores que exerceu a dirección neste proceso electoral.

A CIG conseguiu maioría absoluta no departamento de distribución de Almacenes Casán, empresa maiorista de produtos de alimentación e limpeza que abastece os supermercados do Grupo Gadisa. A central nacionalista logrou uns resultados históricos pois esta foi a primeira ocasión en que presentou lista e, ademais, USO era o único sindicato con representación na compañía.