Sesenta e tres profesores do CIFP (Centro Integrado de Formación Profesional) Monte de Conxo veñen de exixir mediante un escrito, promovido pola CIG-Ensino, o mantemento das ensinanzas do Bacharelato. Hoxe só dous centros de ensino público de Santiago imparten bacharelato tecnolóxico, entre os cales está o Centro Integrado de Formación Profesional de Conxo.

A CIG-Ensino e os alumnos de Filosofía concentráronse o mércores día 4 de maio diante da consellaría de Educación "Por un novo Decreto de Bacharelato". A CIG-Ensino tiña preparado un gasallo para a súa titular, Laura Sánchez Piñón: un lote de libros de Historia e Filosofía para que, durante o verán, recupere as asignaturas suspensas ao longo deste curso escolar, practicamente todas agás relixión. CIG-Ensino entende que o seu titor, Emilio Pérez Touriño, debería deixala fóra do sistema educativo.

Con esta acción a CIG-Ensino dá continuidade ás mobilizacións que, desde o 24 de abril, ven desenvolvendo xunto co profesorado afectado para conseguir que a Consellaría asuma as propostas que se teñen feito, co obxecto de que o futuro Bacharelato sexa máis laico, compensado e de maior calidade.

Tras das mobilizacións e a folga convocada por CIG-Ensino, finalmente a consellaría de Educación acordou introducir algunha modificación no Decreto de Bacharelato e incrementar o horario de Educación Física. CIG-Ensino considera que é insuficiente e que se debe incrementar tamén a carga lectiva doutras materias.

5.000 rapaces e rapazas procedentes de corenta centros de ensino das comarcas de A Coruña, As Mariñas, Eume, Bergantiños e Costa da Morte participaron o 6 de maio na cidade herculina na xornada inaugural do Correlingua 2008. Por primeira vez, unha delegación de estudantes do Bierzo tomou parte na carreira, que este ano leva por lema “365 días: en galego cabe todo”.

Delegados e delegadas de CIG-ensino e representacións do profesorado afectado pola proposta de Anteproxecto de Decreto que fixa os currículos de Bacharelato en Galiza participaron, este mércores 23 de abril, nunha masiva concentración diante da Consellaría de Educación, en Santiago.