A CIG-Servizos de A Coruña prosegue coa campaña de denuncia do despedimento dun cociñeiro do Restaurante Lenda, na Corveira (Culleredo), que foi botado polo xefe logo de que se acollese a unha licenza por enfermidade grave da muller. Na noitiña do 27 de xuño, os bombos, tambores e megáfonos volveron atronar ás portas deste local hostaleiro para deixar constancia entre a veciñanza e clientela da indecencia e falta de humanidade do propietario do Restaurante Lenda, Manuel Rey Luhía.

O Restaurante Lenda, sito na Corveira (Culleredo), despediu un traballador que fixo uso dunha licenza cando a súa muller caeu gravemente enferma. Este despedimento, á parte de inxusto, é improcedente pois o Convenio Provincial de Hostalaría recoñece o dereito dos traballadores a gozar de licenzas en caso de que os seus cónxuxes estean enfermos ou hospitalizados, como ocorreu neste caso.

Unha vez mais, a Unión Local da Confederación Intersindical Galega (CIG) en Valdeorras vese na obriga de dirixirse á opinión pública para denunciar as agresións da Fundación Valdegodos contra os traballadores e, mais en concreto, contra os delegados de persoal electos nas listas da CIG.  

Stolt Sea Farm, multinacional norueguesa da acuicultura, despediu un traballador veciño de Quilmas, con máis de 15 anos de antigüidade na empresa e que na actualidade está de baixa médica por mor de problemas de saúde motivados polo gran estrés laboral que padece. Stolt Sea Farm botou, nos últimos catro anos, 20 empregados nas plantas galegas.

O Xulgado de Instrución número 3 de Ferrol condenou o secretario comarcal da CIG, Xesús Anxo López Pintos, a unha multa de 90 euros como autor “dunha falta de coaccións” por lle recriminar ao encargado dunha obra en Mugardos da construtora “OYC Compostela” que catro operarios portugueses levasen mes e medio sen cobrar. López Pintos recorrerá a sentenza, que tamén o obriga a aboar as costas procesuais.

Os traballadores do servizo de mantemento das insfraestruturas da autoestrada do Atlántico decidiron en asemblea que irán á folga de non mudar a empresa a actual situación, na que tres traballadores foron despedidos durante o proceso previo ás eleccións sindicais.