Unha delegada elixida nas eleccións do 20 de decembro e unha candidata do mesmo proceso despedidas; outros delegados da CIG sufriron cambio de quendas ou de campañas; despedimentos e sancións sen motivo son a parte máis evidente da vaga represiva no call center da multinacional Bosch en Vigo.

O pasado 11 de abril de 2007 en pleno conflito polos despedimentos de Atento, a CIG mantivo unha reunión en Madrid coa Axencia Estatal de Protección de Dados, na que estivo presente o director da mesma, Artemí Rallo. O 15 de decembro o Consello de Ministros aprobou o Regulamento que desenvolve a Lei Orgánica de Protección de Dados. Á espera da súa publicación definitiva aparentemente este recolle parte das achegas presentadas pola CIG naquela reunión.

A Sala do Contencioso Administrativo da Audiencia Nacional española está a tramitar o recurso contencioso administrativo interposto pola CIG contra unha autorización de transferencia internacional de dados á filial peruana da empresa Global Sales Solutions Line SL, concedida pola Axencia Española de Protección de Dados (AEPD) á Telefónica Móviles España SA. Este servizo é prestado actualmente pola empresa Eurocen, que dá emprego a cerca de 1.000 persoas na cidade de A Coruña.

Unha representación da CIG-Telemárketing reuniuse co Grupo Parlamentar do BNG, na primeira das reunións previstas con responsables políticos e da Administración, co fin de recadar apoios ás propostas presentadas pola Central Sindical para garantir o emprego neste sector ameazado pola deslocalización.

A folga convocada pola CIG e a CGT no sector de Telemárketing tivo un seguimento de arredor do 90% nas grandes empresas de Galiza. Empresas como Atento, Bosch ou Eurocen estiveron practicamente pechadas. No total do sector en Galiza a participación situouse nun 80%, a maior de todo o Estado.

Nas eleccións celebradas para a ampliación do Comité de Empresa da maior subcontrata de Telemárketing en Vigo, a candidatura da CIG conseguiu a maioría con 275 votos e 6 representantes, sendo un 70% dos votos emitidos. CCOO, que ata ese momento contaba coa maioría na empresa, tivo 69 votos e 2 representantes sindicais, e UGT con 35 votos obtivo desta volta só 1 representante. Ademais houbo 10 votos brancos e 3 nulos.