Confederación Intersindical Galega - Avantar - Vigo 24/6/2008
Os dous son afiliados á CIG
Convocada folga indefinida na empresa do naval Montajes Nervión pola readmisión de dous despedidos
O martes 24 de maio comezou unha folga indefinida no centro de traballo de Barreras da empresa Montajes Nervión SA (Monesa) polo despedimento de dous traballadores, afiliados á CIG. A folga é de dúas horas, de 10. 15 a 12.15 e o seguimento está a ser total.
A empresa Montajes Nervión S.A. decidiu despedir a dous traballadores, afiliados á CIG, e négase a readmitir a estes despedidos, así como a establecer ningunha canle de diálogo.
Neste centro de traballo de Monesa, o de Barreras, traballan sobre unhas noventa persoas, que están a seguir na súa totalidade o paro de duas horas que comezou o 24 de maio. Durante as dúas horas desta folga, que ten carácter indefinido, os traballadores concéntranse no interior de estaleiro, para amosar o seu rexeitamento a estas medidas represivas da empresa.
Extensión do conflito
Na próxima semana se non houbera unha solución, o conflito poderase extender a todos os centros de traballo de Monesa, asi como a todas as auxiliares que operan en Barreras.