Confederación Intersindical Galega - Avantar - A Coruña 30/6/2008
Os afectados polas obras do porto exterior concéntranse diante da Autoridade Portuaria
Os mariñeiros de Punta Langosteira reanudan as mobilizacións
Medio cento de mariñeiros e percebeiros afectados polas obras do porto exterior de A Coruña concentrouse na mañá do 30 de xuño ás portas da sede da Autoridade Portuaria para demandar o pagamento inmediato das indemnizacións polo cesamento forzoso da súa actividade en Punta Langosteira.
Este acto de protesta é o primeiro desde febreiro deste ano, momento en que a Autoridade Portuaria, Consellaría de Pesca e afectados chegaran a un acordo segundo o cal estes traballadores do mar percibirían 4´5 millóns de euros. Pois ben, transcorridos catro meses, os damnificados aínda non foron compensados.
A concentración realizada o 30 de xuño coincidiu coa celebración do Consello de Administración da Autoridade Portuaria.