Día da Galiza Mártir

anton.alvarez — Mon, 11 Aug 2008 13:37:07 +0200

Programa de actos da Fundación Alexandre Bóveda co gallo do Día da Galiza Mártir.

Protesta contra "Isidro de la Cal"

anton.alvarez — Wed, 23 Jul 2008 14:36:06 +0200

Protesta da CIG-Servizos contra un novo despedimento en "Isidro de la Cal".

Rolda de prensa en Vigo sobre a situación no Centro Comercial Gran Vía

zelia.garcia — Tue, 22 Jul 2008 10:52:58 +0200

Participarán: Xerardo Abraldes, secretario comarcal da CIG de Vigo, Encarna Álvarez, Presidenta da Federación do Comercio de Vigo, e varias representantes do Colectivo de Afectados/as do Centro Comercial Gran Vía de Vigo (comisión de traballadores/as autónomos e pequenos empresarios/as deste centro comercial).

Tratarán: A problemática que están a vivir os máis de 100 comercios que operan nesta área comercial, pola falta de licenza de apertura e polas presións económicas que reciben da entidade bancaria ING Direct, que ten a explotación deste centro, e as consecuencias que pode ter esta grave situación para os centos de traballadores e traballadoras que teñen o seu emprego nesta área comercial.

Concentración contra os despedimentos masivos en Bosch

zelia.garcia — Tue, 15 Jul 2008 11:28:19 +0200

O xoves 17 ás 11 da mañá está convocada unha concentración diante das instalacións da empresa de telemárketing Bosch na avenida de Madrid, para protestar pola posta en marcha dun proceso de despedimentos que recursos humanos denominou "despedimentos masivos".

A día de hoxe Bosch non comunicou o número das persoas que serán despedidas, e polo momento teñense contancia dos primeiros vinte despedimentos. Bosch da emprego a 1.200 persoas en Vigo, só hai 186 fixos. 700 persoas teñen contrato de ETT.

Acto en Ourense para presentar as actividades realizadas pola CIG en materia de cooperación internacional

zelia.garcia — Mon, 23 Jun 2008 19:11:20 +0200

O mércores 25 de xuño ás 19.30 terá lugar un acto na CIG de Ourense para dar a coñecer a actividade da CIG no seu departamento de Relacións Internacionais e Cooperación para o desenvolvemento, e máis concretamente, das accións levadas adiante no Sáhara.

Para presentar as actividades realizadas, e moi especialmente as últimas executadas e rematadas no primeiro semestre do 2008, vaise celebrar un acto que terá lugar nos locais da CIG (Parque de San Lázaro 13, 4º andar) o próximo mércores día 25 ás 19,30.

O acto será presentado por Etelvino Blanco, Secretario comarcal da CIG en Ourense, contando coa presenza de Xesús Ramón González Boán, de CIG-Relacións Internacionais e Cooperación , e Ahmedu Mojtar, representante da Fronte Polisario en Galiza.

Situación política do Sáhara

Ahmedu Mojtar pechará o acto cunha intervención na que exporá a situación política actual do Sahara Occidental e as perspectivas de futuro.

Rolda de prensa da CIG de Vigo para presentar a campaña de denuncia e información dos dereitos das embarazadas

zelia.garcia — Mon, 23 Jun 2008 10:11:39 +0200

Participarán: A secretaria comarcal da Secretaria da Igualdade da CIG, Placer Vila, a técnica de Igualdade, Ester Mariño, a técnica de Saúde Laboral da CIG de Vigo, Trini Villar, e as responsábeis da secretaria de Igualdade das federacións

Nesta rolda de prensa presentarase a campaña comarcal de información sobre os dereitos das mulleres embarazadas e período de lactación natural, así como de denuncia da precaria situación das mulleres neste tipo de circunstancias no mercado laboral.

A campaña ten como obxectivo rematar coa desinformación e loitar contra a impunidade que existe e coa que actúan empresas e mútuas, poñendo en risco moitas veces a saúde das embarazadas e limitando os seus dereitos económicos e laborais.

Rolda de prensa da CIG-Ensino

paula.castro — Thu, 19 Jun 2008 10:15:49 +0200

A CIG-Ensino convoca para o próximo martes día 24 de xuño, ás 11:15 horas, unha rolda de prensa no local da CIG de Compostela (Rúa Miguel ferro Caaveiro, 10, Sala de Prensa), para presentar o balance do curso escolar que está a piques de rematar.

A CIG fará entrega das sinaturas para promover unha Iniciativa Lexislativa Popular e que se derrogue o plus de altos cargos

paula.castro — Mon, 16 Jun 2008 13:53:13 +0200

A Confederación Intersindical Galega fará entrega, o martes 17 de xuño, ás 13:00 horas, no rexistro do Parlamento, das sinaturas que xa están certificadas polo censo electoral, para impulsar unha Iniciativa Lexislativa Popular que posibilite a derrogación do complemento de destino incluído na última reforma da Lei de Función Pública.

Rolda de prensa dos Comités de Empresa de Serrabal e Ferroatlántica xunto coas organizacións sindicais CIG e UGT

paula.castro — Mon, 16 Jun 2008 13:50:54 +0200

Os Comités de Empresa de Serrabal e Ferroatlántica en Cee e Sabón xunto cos representantes das organizacións sindicais CIG e UGT convocan para o martes, día 17 de xuño, ás 11:00 horas, unha rolda de prensa para explicar a situación actual e reiterar a súa demanda dun cambio de trazado.

A rolda de prensa celebrarase na propia mina, no lugar onde os traballadores teñen instalado o campamento. Para facilitar a súa chegada poden acceder á zona pola entrada por Ponte Ulla e desde aí coller a estrada que indica Arzúa-Touro. A pista está asfaltada e na curva hai un bar. Desde alí hai uns 100 metros de distancia ao lugar indicado.

Concentración en solidariedade cun traballador despedido por Eshor

anton.alvarez — Fri, 06 Jun 2008 19:02:50 +0200

A Dirección Comarcal da CIG de Ferrol convoca unha concentración solidaria cun traballador inmigrante despedido pola construtora Eshor. O martes 10 de xuño, ás 08:45, diante do edificio dos Xulgados (Rúa Coruña, 53)

Xornadas Internacionais de Economía Social

anton.alvarez — Wed, 04 Jun 2008 18:09:39 +0200

Ponentes de varios países participarán nunhas xornadas organizadas pola CIG e Sinerxia co fin de achegar á sociedade galega o modelo da economía social, tanto de traballo como de consumo.

Xornadas Internacionais de Economía Social

anton.alvarez — Wed, 04 Jun 2008 18:05:17 +0200

Ponentes de varios países participarán nunhas xornadas organizadas pola CIG e Sinerxia co fin de achegar á sociedade galega o modelo da economía social, tanto de traballo como de consumo.

Concentración contra a represión no "Restaurante Lenda"

anton.alvarez — Fri, 30 May 2008 19:44:53 +0200

A CIG-Servizos de A Coruña organiza unha concentración ás portas do Restaurante Lenda en repulsa polo despedimento dun traballador que se acolleu a unha licenza pola enfermidade da súa muller.

Ás 21:30, no Restaurante Lenda, na Corveira (Culleredo), na rúa Alcalde Electo Carballo, sita na estrada que vai desde o Portádego até Acea da Ma.

Clausura do ciclo de cinema "Saíndo da fábrica"

anton.alvarez — Wed, 28 May 2008 13:18:39 +0200

A CIG-Servizos conclúe o ciclo de cinema obreiro "Saíndo da fábrica" coa proxección da película O xefe de todo isto (Lars von Trier, Dinamarca, 2006).

Ás 20:15 horas no Forum Metropolitano de A Coruña (Rúa Río Monelos).

Manifestación en defensa da Ría de O Burgo

anton.alvarez — Wed, 28 May 2008 12:51:11 +0200

A Plataforma para a Defensa da Ría do Burgo, entidade na que está integrada a CIG coruñesa, organiza unha manifestación que percorrerá as rúas da cidade o 21 de xuño. A marcha, que reivindica o saneamento da Ría e a fin dos vertidos, partirá ese día ás 19:30 horas desde a Praza da Palloza até a Delegación do Goberno español (Praza de Ourense).

Manifestación "A Ría non se vende" en Vigo

anton.alvarez — Thu, 22 May 2008 18:51:18 +0200

A Ría non se Vende, integrada na rede Galiza non se vende, convoca unha mobilización o vindeiro domingo, 25 de maio, ás 12:00 horas desde a Praza da Estrela de Vigo, contra os recheos, o urbanismo salvaxe, a depuración ineficaz, os portos deportivos privatizadores, o porto caótico e depredador, os usos non portuarios no terreo gañado ao mar, a alteración das correntes e destrución de praias, a destrución de recursos pesqueiros e marisqueiros, a destrución da paisaxe, a contaminación, a marbellización ou contra o desprezo á identidade cultural e ao patrimonio común.

Encontro Sindical na Mariña

anton.alvarez — Tue, 20 May 2008 13:50:44 +0200

FORGA - CIG de A Mariña vai organizar o primeiro "Encontro Sindical da Mariña" para debater sobre a situación do sindicalismo e o emprego na comarca. O evento celebrarase o sábado 24 de maio, a partir as 12:00 horas, no Restaurante Louzao de Viveiro.

O Encontro será inaugurado polo conselleiro de Innovación e Industria, Fernando X. Blanco Álvarez, e contará coa participación de Suso Seixo, secretario xeral da CIG, e Francisco Rodríguez, membro da Comisión permanente do BNG. Por último o encontro rematará cun xantar e coa actuación musical de Mini e Mero.

Ciclo de Cinema Obreiro "Saíndo da Fábrica"

anton.alvarez — Tue, 20 May 2008 12:50:14 +0200

Dentro da programación do ciclo de cinema obreiro Saíndo da fábrica que organiza a CIG-Servizos, proxectarase o film Blue Collar (Paul Schrader, USA, 1978).

Ás 20:15 horas no Forum Metropolitano, rúa Río Monelos de A Coruña.

Após a película, haberá unha charla-debate moderada por Antolín Alcántara, secretario confederal de Saúde Laboral e Negociación Colectiva da CIG.

Ciclo de cinema obreiro "Saíndo da fábrica"

anton.alvarez — Mon, 12 May 2008 21:45:45 +0200

Venres 16 de maio, ás 20:15 horas, proxección da película Recursos humanos (Laurent Cantet, Estado francés, 1999).

A charla-debate correrá a cargo de Roberto Pérez Vila, mozo de almacén de Zara Logística, presidente do comité de empresa e delegado da CIG.

Forum Metropolitano de A Coruña (Rúa Río Monelos).

Concentracións nas sete cidades galegas contra os despedimentos en Presidencia

zelia.garcia — Mon, 12 May 2008 15:24:09 +0200

Ante a proposta de RPT que se presenta ás organizacións sindicais, a CIG, a través desta convocatoria de concentracións quere dar "unha resposta contundente", e solicita a todos os traballadores e traballadoras públicas o seu apoio ás concentracions que desenvolverá a CIG diante dos edificios xudiciais da Coruña, Ferrol, Santiago de Compostel, Lugo, Ourense, Pontevedra e Vigo o 15 de maio ás 11.30.

Seminario Internacional da Asociación Dereito á Enerxía en Compostela

zelia.garcia — Mon, 12 May 2008 15:21:11 +0200

Ás 09.30 comezará a primeira mesa co título "Os retos e a enerxía do Futuro". Nela intervirán Michel Clerc, presidente da Asociación Dereito á Enerxía; Xan Álvarez Carril, director do INEGA, Xesús Abadia Ibáñez, director medioambiental - Desenvolvemento sustentábel ENDESA; Xavier Becerra García, xefe de planificación REPSOL-YPF; e Manuel Bao Iglesias, Escola Técnica Superior de Enxeñeria da Universidade de Santiago de Compostela.

A segunda mesa abordará a "Enerxía, a sustentabilidade e os aspectos sociais", e presentada e moderada por Fermín Paz, participarán Serge Pérez, secretario xeral da Asociación Dereito á Enerxía; Abelardo Landeira González, representante da CIG; Carlos Bellas Cebreiro, da UGT; Tensi Álvarez Folgar, de CCOO; e Edmundo Varela Lema, presidente da Asociación de Consumidores Coeticor.

Xornada técnica sobre a prevención do amianto en Ourense

zelia.garcia — Mon, 12 May 2008 15:03:51 +0200

Xornada técnica: "O traballo con amianto: perigo. Xornada de prevención de riscos".

09.30 - Recepción de participantes e entrega de documentación.

09.45 - Presentación dos obxectivos da xornada.

Etelvino Blanco, Secretario Comarcal CIG-Ourense.

10.00 - A asbestose: aspectos sindicais.

Anxo Pérez Carballo , Gabinete Técnico de Saúde Laboral.

10.30 - A asbestose: aspectos médicos.

Gumersindo Rego , Neumólogo do Instituto Nacional de Silicose.

12.00 - Pausa-Café.

12.30 - A experiencia da Asociación Galega de Vítimas do Amianto, AGAVIDA

Cristobal Carneiro Mella , Presidente de AGAVIDA.

13.30 - Debate e dúbidas.

14.00 - Clausura xornada.

Alfonso Tellado Sande. Director do Gabinete Técnico de Saúde Laboral.

Xantar

Manifestación "Polo dereito a vivirmos en galego"

anton.alvarez — Wed, 07 May 2008 15:07:32 +0200

Manifestación "Polo dereito a vivirmos en galego". Ás 12:00 desde a Alameda de Compostela.

Ciclo de cinema obreiro "Saíndo da fábrica"

anton.alvarez — Wed, 07 May 2008 14:47:16 +0200

Continúa o ciclo de cinema obreiro "Saíndo da fábrica". Ás 20:15 horas proxectarase a película A sorte durmida (Ángeles González-Sinde, Estado español, 2003). No remate haberá unha charla-debate a cargo do avogado laboralista José Luis Muruzábal.

No Forum Metropolitano de A Coruña, rúa Río Monelos.

Concentración en A Coruña dos traballadores do BBVA

anton.alvarez — Wed, 07 May 2008 14:38:01 +0200

A CIG-Banca convoca unha concentración o xoves 8 de maio, ás 11:00 horas, diante da oficina do BBVA no Cantón Pequeno de A Coruña. O banco prevé unha reconversión que suporá a perda de 400 postos en Galiza.