O Tribunal Superior de Xustiza de Galiza da a razón á CIG ditando 56 sentenzas nas que se lles recoñece o dereito á aplicación de coeficientes redutores da idade de xubilación (anticipo da mesma) aos traballadores das Industrias de Transformación do Granito. Estes fallos xudiciais abren ás portas a novas expectativas no sector e “son unha chamada de atención ao Poder Executivo, que vai por detrás neste caso do Xudicial”

A CIG-Ensino vén de presentar contencioso administrativo en contra da Orde, publicada no DOG o 27 de agosto de 2008, pola Consellaría de Educación, pola que se subscriben e se modifican os concertos educativos cos centros docentes privados, limitando este contencioso a centros que segregan o alumnado, impedindo a escolarización mixta (Las Acacias, Montecastelo e Aloya en Vigo; Montespiño e Peñarredonda na Coruña, etc).

A CIG-Ensino vén de presentar un recurso contencioso administrativo ante o Tibunal Superior de Xustiza de Galiza en contra da Orde do 25 de xuño de 2008 (DOG do 27 de xuño) que estabelece a relación e o currículo das materias optativas do Bacharelato.

A CIG interpuxo un recurso contencioso-administrativo perante o Tribunal Superior de Xustiza de Galiza (TSXG) contra a aprobación definitiva do Orzamento do Concello da Coruña para o ano 2008. O presuposto non contempla, entre outros aspectos, o incremento retributivo para o persoal municipal do 1% da masa salarial dos exercicios 2006 e 2007, tal como prescribe a Lei.