O IPC do mes de xuño incrementouse nun 0,6% en Galiza situándose no 5,4%, fronte ao 5% da media estatal. A CIG atribúe este incremento á especulación, que afecta fundamentalmente ao cru e aos alimentos, pero tamén ás altas taxas de beneficios empresariais, algo que a central vén denunciando desde hai anos e que agora, por fin, tivo que recoñecer até o propio Banco de España.

Os traballadores de Viproga, empresa de Seguridade encargada do servizo de vixilancia do Complexo Hospitalario Universitario de Santiago (CHUS) concentráronse na mañá deste luns, 28 de abril, ante os accesos ás consultas externas do hospital Clínico en demanda do pago dos atrasos. En solidariedade e para manifestar o seu apoio, á concentración convocada pola CIG, sumáronse tamén outros traballadores do sector.

A Confederación Intersindical Galega conmemora este 1º de Maio, Día do Internacionalismo Proletario, coa convocatoria de manifestacións en todas as comarcas do país, baixo o lema “Por un modelo socioeconómico xusto e sustentábel”.

O Índice de Prezos ao Consumo (IPC) establece a taxa anual do 2007 no 4,3% segundo os datos adiantados polo Instituto de Estatística. Esta forte suba que ten como base o encarecemento de produtos básicos de consumo representa unha importante perda de poder adquisitivo.

O 6 de febreiro de 2006 a Xunta de Galiza aprobaba o novo regulamento polo que se rexen as empresas de xogo. Segundo este, estas empresas poden incrementar a porcentaxe dos seus beneficios pasando do 11,5 ao 13,5%. Porén, no proceso de negociación do Convenio colectivo, a patronal negouse a mellorar as condicións salariais malia ter os traballadores uns salarios que rondan entre os 700 e os 850 euros e non ter recoñecidos complementos como nocturnidade ou antigüidade.