O Sindicato Labrego Galego convocaba, na mañá do pasado xoves día 9 de outubro, unha Asemblea Nacional Aberta do Leite para tratar de articular unha estratexia conxunta que garanta o futuro do sector. Na Mesa acordáronse, entre outras, mobilizacións a nivel estatal para reclamar do Ministerio que elimine a obriga de ter asinado un contrato homologado do Leite para poderen percibir unha parte da subvención de pago único, que entende que só beneficia ás empresas.