Os traballadores e traballadoras da multinacional farmacéutica Astrazeneca da factoría de O Porriño comezaron as mobilizacións e toda unha campaña de información e difusión na comarca de Vigo sobre a súa situación, desde que anunciará a dirección desta empresa o peche da mesma, de non atopar quen merque esta fábrica antes do 31 do mes de xaneiro de 2009. Xa está convocada unha nova mobilización, desta volta fronte ao concello de O Porriño, para o vindeiro 15 de xaneiro ás 18 da tarde.

O centenar de traballadores da factoría de Draka Cables en Mos (Pontevedra) aceitou un preacordo coa dirección da empresa para levar a cabo o peche da fábrica, no que se establecen diversas compensacións para a totalidade dos empregados, e que conta "cun apoio do 100% do persoal", segundo informou o comité de empresa nunha nota de prensa remitida aos medios de comunicación o pasado 9 de outubro.

O 1 de setembro unha nova xuntanza tiña lugar entre os representantes sindicais dos traballadores e a dirección da empresa Draka Cables de Mos. Nesta reunión os empresarios desbotaron o proxecto que eles mesmos presentaron o 18 de xullo para que dúas compañías pontevedresas, Narwhal e Colyaer, se fixeran cargo das instalacións e o persoal. Anunciaron que no prazo dunha semana presentarán unha nova proposta económica aos traballadores para que o peche da factoría sexa efectivo antes do mes de novembro.

Esta mañá un grupo de sindicalistas da CIG realizou un peche simbólico no despacho do Subdirector Xeral de Comunicación Audiovisual, nos edificios da Xunta en San Caetano, como protesta polo despedimento de todo o cadro de persoal da exposición permanente "Galicia Dixital". O peche mantívose por unha media hora até que os sindicalistas foron desaloxados por membros da Policia Autonómica tras ser identificados.

Máis de 100 traballadores da multinacional holandesa Draka Cables, que produce cables para a automoción, coñeceron nesta semana a decisión irrevogábel da empresa de pechar a súa planta en Vigo a finais de 2008. Os traballadores responderon cunha convocatoria de folga para o 29 de abril.

As e os traballadores de Preescolar na Casa, representados polo seu Comité de Empresa a nivel galego, amosan a súa preocupación pola posíbel retirada do apoio a este programa por parte da Consellaría de Educación.