Os condutos de saída do sistema de ventilación do Gadis que está situado no baixo do Mercado de Montealto provocan temperaturas moi elevadas a carón da Escola Infantil Municipal do barrio, emprazada xusto ao lado deste recinto comercial. Pais e nais de alumnos protagonizan protestas todos os venres, ás 13:00 horas, para demandar unha pronta solución a este problema, que se agrava no verán. A CIG-Ensino apoia estas reivindicacións.

A CIG conseguiu maioría absoluta no departamento de distribución de Almacenes Casán, empresa maiorista de produtos de alimentación e limpeza que abastece os supermercados do Grupo Gadisa. A central nacionalista logrou uns resultados históricos pois esta foi a primeira ocasión en que presentou lista e, ademais, USO era o único sindicato con representación na compañía.

A CIG conseguiu 8 delegados nas eleccións ao Comité provincial coruñés de Almacenes Casán, empresa pertencente ao Grupo Gadisa. O sindicato nacionalista subiu dous representantes con respecto ao anterior proceso electoral e quedou a unha escasa marxe de conseguir a maioría absoluta. A participación foi do 67,5%.

O 27 de decembro disputouse en Vigo o encontro da selección galega de fútbol. Por terceiro ano consecutivo a selección galega disputaba un encontro amigábel, que se converteu nun novo momento de encontro da afección galega, de reivindicación da oficialidade, e que desta volta contaba coa estrea da selección feminina de fútbol, que xogaba desde ás seis e media da tarde o seu primeiro encontro fronte a selección catalá.