Un ano despois do gravísimo accidente nas obras do AVE, no que faleceu un traballador e outros catro resultaron feridos cando se derrubou un importante tramo do viaduto en Pol, O Carballiño, aínda segue habendo puntos escuros na resolución definitiva do proceso xudicial e, o que aínda é pior, non se adoptaron as medidas de prevención que garantan a seguridade dos traballadores, o que ten producido, aínda nestes días, novos accidentes e incidentes.

Desde a CIG de Ourense están a facer visitas aos centros de traballo pertencentes á Consellaria de Medio Rural desta provincia e, atoparon problemas reais para o desenvolvemento do traballo con seguridade e saúde laboral. Até o de agora, a CIG presentou dúas denuncias ante á Inspección de Traballo, solicitando a paralización inmediata dos traballos nas torretas de vixilancia “Coto de Castro” pertencentes ao Distrito Forestal XII Miño – Arnoia e “Serra de Meda”, do Distrito Forestal XIV Verín – Viana, polo incumprimento grave das medidas de seguridade e do establecido na Lei de Prevención de Riscos Laborais e nos Regulamentos que a desenvolven.

A comarca da CIG de Vigo deseñou unha campaña de información e denuncia sobre a situación de riscos laborais que existen durante o período do embarazo e a lactación natural. O martes 24 de xuño ás once e media da mañá realizabase a presentación da mesma diante dos medios de comunicación.

O xoves 19 de xuño máis de 200 delegados e delegadas da CIG participaron dun encontro que baixo o título "O sindicalismo: novos retos", facía fincapé na importancia da saúde laboral, e que tiña lugar no Pazo de Congresos de Pontevedra.

O pasado 16 de xuño celebráronse as II xornadas de saúde laboral do sector financeiro. Unhas xornadas que se centraron, principalmente, no traballo sindical a realizar para abordar o atraco como risco laboral e para conseguir o recoñecemento dos postos de traballo con PVD, pantallas de visualización de datos.

O Gabinete de Saúde Laboral da CIG, celebrou o martes 13 de maio en Ourense unha xornada técnica de sensibilización ante o risco para a saúde dos traballadores provocado polo amianto titulada Amianto: perigo! A continuación adxuntamos fotos e unha crónica do ali acontecido.