A secretaría da Muller da CIG vén de presentar a “Guía para a Prevención de Riscos Laborais no embarazo e a lactación” no seo do I Congreso Internacional de Responsabilidade Social e Empresarial nas PEME, que se celebra no Palacio de Congresos de Compostela desde o mércores 26 de novembro até o venres día 28.

A CIG vai ter unha participación activa no I Congreso Internacional sobre prevención e responsabilidade na Peme que se celebra en Compostela do 26 ao 28 de novembro a través do Gabinete Técnico de Saúde Laboral, que ten organizada a presenza institucional da central coa inscrición de delegados e delegadas. Así mesmo, presentaranse as tres novas guías en prevención de riscos que a CIG vén de elaborar.

Na súa xuntanza de 24 de novembro de 2008, o Consello Confederal da CIG aprobou unha resolución, con motivo da conmemoración do 25 de novembro, Día Internacional contra a Violencia de Xénero, na que se asume, íntegro, o manifesto elaborado pola Secretaría da Muller para a campaña que se está a desenvolver arredor desta data. Unha campaña coa que se quere amosar o compromiso da central na erradicación desta lacra social e que este ano se conmemora baixo o lema "Loitando polo respecto entre homes e mulleres".

A Secretaría Comarcal da Muller da CIG da Mariña presentou publicamente na bisbarra a campaña do sindicato con motivo do 25 de Novembro, Día Internacional contra a Violencia de Xénero. Este ano o lema elixido é “Loitando polo respecto entre homes e mulleres”.

A secretaria de Muller da CIG, María Carme López Santamariña, presentou a campaña “Loitando polo respecto entre homes e mulleres”, que a central esta levando a cabo con motivo da celebración do vindeiro 25 de Novembro, Día Internacional contra a Violencia de Xénero. A través desta iniciativa quérese amosar o compromiso da central na erradicación desta lacra social.

Placer Vila, secretaria de organización da comarca da CIG de Vigo e secretaria comarcal da Muller, e Ester Mariño, técnica de Igualdade da CIG de Vigo presentaron en rolda de prensa este luns 6 de outubro a xornada “Sindicalizar desde a diversidade”, que terá lugar este mércores 8 de outubro na residencia de tempo libre de Panxón. Esta xornada pretende “ser un espazo de convivencia onde potenciar actitudes de encontro, diálogo, coñecementos e que aporte ferramentas práticas que logo se podan utilizar no traballo tanto sindical como na vida persoal das e dos asistentes”.