O pasado 11 de novembro celebráronse as eleccións sindicais na empresa Dornier, que é a empresa adxudicataria da Xestión do Estacionamento Regulado. Nestes comicios os traballadores e traballadoras escolleron 5 delegados/as, dos que 3 son para a CIG e 2 para UGT. Unha nova en "La Voz de Galicia", que falaba deste proceso electoral, provocou malestar na sección sindical da CIG en Dornier, que solicitou o dereito de rectificación neste xornal.

O 30 de setembro celebráronse as eleccións sindicais na empresa Bosch de Telemárketing en Vigo; elixíanse 17 membros do Comité de Empresa e a candidatura da CIG acadou a maioría absoluta con 12, CCOO 4 e UGT 1. Nestas eleccións a CIG pasou de 7 representantes (que obtivera en dous procesos anteriores de ampliación do comité) a 12, mentres que CCOO baixou de 8 representantes a 4 e UGT de 2 a 1.

O 3 de setembro celebrouse no SMAC, a conciliación do despido, de Emilio Fresco Fresco candidato da CIG, non chegándose a acordo, co cal se continua coa demanda ao Xulgado do Social. Ademais, despois da presentación da reclamación do censo, o traballador foi incluido no mesmo e poderá participar no proceso de eleccións sindicais nesta empresa.

O 1 de setembro constituíuse a mesa electoral como estaba previsto no preaviso para a celebración das eleccións sindicais na empresa Celta Prix, da recollida do lixo nos concellos de Cambados, Vilanova e Meis, e facilitouse por parte da mesma a relación de traballadores que poden participar en dito proceso, que vai estar exposto 24 horas para que todos poidan comprobar se están ou non neste censo electoral.

O xulgado do Social nº 1 de Ourense vén de publicar a sentenza pola que se anula definitivamente o proceso electoral sindical do persoal laboral do concello do Carballiño, avalando a impugnación realizada pola CIG e o consecuente laudo arbitral. Queda así desestimada a demanda da UGT, que pretendía a revogación dese laudo e a validez do proceso.

O venres 27 de xuño tiveron lugar as eleccións sindicais en Viza, nas que a CIG gañou por maioría absoluta. Estes comicios eran eleccións parciais ao pasar de máis de 500 empregados nesta factoría.