A CIG Metal de Vigo vén de editar e distribuir material informativo para dar a coñecer ao conxunto dos traballadores do naval de Vigo cuestións como o debate sobre o convenio colectivo que se iniciou na asemblea de delegados deste sector, ou a situación de incumprimento do convenio que se está a dar polo alto número de traballadores estranxeiros, aos que non se lles está a pagar segundo o convenio. Tamén se da a coñecer a proposta da CIG para que o 6 de novembro se realice un paro no naval, xa que ese día terá lugar o primeiro xuízo contra catro traballadores do naval, e a CIG propón ao resto de centrais sindicais realizar unha concentración diante dos Xulgados, en solidariedade con estes compañeiros porque "teñen que saber que un castigo a estes compañeiros é unha sentenza contra todo o metal, e non podemos toleralo".

Estaleiros, centrais sindicais e industria auxiliar da construción asinaron o 11 de setembro no Ministerio de Industria o "Acordo sobre o modelo de relación Estaleiros Industria Auxiliar Complementaria no marco da Mesa da Industria Auxiliar do Sector Naval, do que a CIG Metal forma parte.

O martes 24 de maio comezou unha folga indefinida no centro de traballo de Barreras da empresa Montajes Nervión SA (Monesa) polo despedimento de dous traballadores, afiliados á CIG. A folga é de dúas horas, de 10. 15 a 12.15 e o seguimento está a ser total.

O Xulgado de Instrución número 1 do Penal enviou unha citación a Antolín Alcántara, secretario confederal da CIG de Negociación Colectiva, Miguel Malvido, secretario nacional da CIG Metal, e Vítor García, responsábel do Naval, e a tres membros de CCOO e UGT para declarar a partir do 3 de marzo como imputados pola ocupación do edificio da Xunta na folga do Naval o 15 de maio de 2007.