Unha negociación de última hora entre representantes de “Grúas Vidal”, a CIG e os traballadores permitiu alcanzar un acordo polo que se desconvoca a folga na empresa, que tiña previsto comezar ás 0:00 horas do 23 de outubro. A compañía acepta as reclamacións dos operarios.

Grúas Usabiaga despediu dous operarios que traballaban nas obras do porto exterior de A Coruña, logo de que se negasen a realizar horas extraordinarias sen remunerar. A central nacionalista denunciará a empresa e a UTE-Langosteira nos xulgados do Social.

UGT e CCOO asinaron coa patronal o 18 de febreiro un acordo sobre o primeiro Convenio Galego de Guindastres Autopropulsados que resulta lesivo para os intereses dos traballadores do sector. As dúas centrais españolas avalaron coa súa rúbrica, entre outros aspectos negativos, que os operadores de grúas non perciban os atrasos correspondentes ao ano pasado, pois o convenio unicamente terá unha vixencia nos anos 2008 e 2009.