O novo servizo do Sergas ‘Saúde en liña’ entrou nesta segunda semana de outubro en funcionamento, adxudicándolle o desenvolvemento destas funcións a unha empresa privada, servizo suministrado polo Callcenter. Todas as chamadas telefónicas de citación previa dos centros de saúde da provincia de Ourense, deste xeito, pasarán por este novo servizo. A CIG Saúde critica esta nova privatización, xa que “este servizo debe funcionar con traballadores e traballadoras do Sergas e cun control exhaustivo dos datos sensíbeis dos e das usuarias”.

O servizo de citacións foi concedido, mediante concurso, a unha empresa privada para que monte unha Central de Chamadas que dea resposta ás solicitudes de cita telefónica para o persoal Médico e de Enfermería de Atención Primaria. Para dar estas citas esta empresa privada fará uso dos datos dos pacientes que figuran na tarxeta sanitaria, que están en poder do Sergas.

Medio cento de técnicos superiores e de técnicos en coidados auxiliares de enfermaría do SERGAS mobilizouse o 23 de xuño no Hospital Arquitecto Marcide en demanda dunha reclasificación xusta dos seus postos. Os e as traballadoras trasladaron as súas protestas nunha marcha desde o despacho de Recursos Económicos até o de Recursos Humanos. CIG-Saúde convocou ese día concentracións simultáneas en todos os hospitais públicos do país.

CIG-Saúde celebrou o pasado 20 de maio unha concentración diante das dependencias do SERGAS en Compostela para reclamar un cambio nas prioridades da Consellaría de Sanidade e que se potencien os recursos humanos e os destinados á súa xestión para que se remate cos atrasos acumulados en diferentes procesos.

A CIG-Saúde convocou o 23 de abril concentracións en todos os centros hospitalarios públicos de Galiza para esixir á Consellaría de Sanidade que negocie a reclasificación e as retribucións dos técnicos sanitarios (superiores e de Grao Medio) do SERGAS. As protestas repetiranse os días 23 de cada mes.