A comezos de semana saltaba a todos os medios nacionais, estatais e mesmo internacionais a noticia de que MARTINSA-FADESA solicitaba un concurso voluntario de acredores, proceso antes coñecido como suspensión de pagamentos. Paulo Carril, secretario comarcal da CIG e asesor da central no conflito, amosa nesta entrevista o punto de vista do sindicato nacionalista a respecto desta crise, paradigma claro da economía especulativa.

MARTINSA-FADESA anuncioulles aos representantes sindicais e membros do comité de empresa en A Coruña que despedirá 60 traballadores na cidade, a mesma cifra que pactara semanas atrás coa Consellaría de Traballo. CCOO, sindicato maioritario no comité, consinte este plan, do mesmo xeito que a pretensión da empresa de trasladar a Madrid a mesa de negociación sen que nesta teñan un papel propio os representantes do cadro de persoal de A Coruña.

Traballadores de MARTINSA – FADESA en A Coruña protagonizaron o 6 de xuño unha protesta simbólica, ao ceibaren centos de globos para evidenciar ante a cidadanía que o seu futuro laboral está “no aire”.

A CIG e o comité de empresa de MARTINSA – FADESA saíron decepcionados da reunión que mantiveron na mañá do 27 de maio co responsábel de Recursos Humanos da inmobiliaria na sede da Inspección de Traballo en A Coruña. A empresa incumpriu o seu compromiso de presentar neste día o plan de emprego que lle reclaman os traballadores.

Os traballadores de MARTINSA - FADESA de A Coruña proseguen co calendario de mobilizacións contra o desmantelamento da sede na cidade. O 16 de maio concentráronse diante da empresa e despregaron faixas nunha das pasarelas da avenida Alfonso Molina. As protestas do cadro de persoal repetiranse o 23 de maio.

Case un centenar de traballadores da sede coruñesa de MARTINSA-FADESA uniuse, o 23 de abril, á concentración convocada polo comité de empresa para denunciar a perda de postos de traballo e o posíbel desmantelamento da delegación da inmobiliaria na cidade herculina.