Arredor de 200 delegados e delegadas en representación dos diferentes sindicatos que a conforman, tomaron parte o pasado día 24 no VIII Congreso da Uniao dos Sindicatos do Porto, estrutura distrital da Confederaçao Geral dos Trabalhadores Portugueses/Intersindical Nacional, CGTP/IN. Trabalho com direitos. Elevar os salários. Combater o desemprego, a pobreza e a exclusao! foi o lema deste congreso, que resume claramente as preocupacións e as tarefas sindicais ás que se enfronta a USP.

A CIG participou no VI Congreso Ordinario da Unión Xeneral de Traballadores de Saguia-el-hamra e Río de Ouro, UXTSARIO, celebrado entre os días 19 e 21 deste mes. En paralelo ao Congreso celebrouse tamén a 4ª  Conferencia Sindical Internacional de Solidariedade coa UXTSARIO e o Pobo Saharauí. Na súa intervención no plenario o representante da central manifestou a súa solidariedade e compromiso coa loita do pobo saharauí.

O pasado 19 de abril de 2008 tivo lugar na cidade de Lisboa o “Seminário internacional migrações e mundo do trabalho”, que contou coa CIG en calidade de organización convidada. De seguido reproducimos a crónica elaborada por Xurxo Martínez Crespo.