A Federación de Químicas e Enerxía da CIG, integrada na Federación Sindical Mundial, remitiu unha carta de apoio as demandas dos 150 mestres de colexios técnicos despedidos en México por sindicalizárense e esixiren os seus dereitos laborais.

O 15 de agosto de 2008 é unha data emblemática para o pobo paraguaio. Despois de 61 anos de gobernos reaccionarios e antipopulares, con dictaduras militares incluídas, amparados nas siglas do Partido Colorado, un presidente con visión progresista elixido democraticamente no mes de abril vai asumir as súas funcións.

A CIG apoia a campaña internacional para liberar os cinco prisioneiros antifascistas cubanos encarcerados inxustamente en prisións de EEUU por abortar plans terroristas organizados nese país para atacar a illa caribeña. Os cinco presos cubanos cumprirán, o vindeiro 12 de setembro, dez anos de cativerio en cadeas norteamericanas.

Fermín Paz Lamigueiro foi nomeado como novo Secretario Xeral da Asociación Internacional " Dereito á Enerxia- SOS Futuro". Na sesión do Consello de Administración celebrado o 20 de xullo de 2008, no Brasil, na cidade de Rio de Janeiro.

CIG-Químicas lamenta o despedimento de catro dirixentes sindicais ecuatorianos que cuestionaron a xestión do ministro de Minas e Petróleo. Abelardo Landeira, secretario nacional da CIG-Químicas, remitiu cartas denunciando os feitos ao presidente do Ecuador, a demais autoridades do país, á UIS-TE, a diversos sindicatos de clase do mundo e á FSM.

A CIG-Químicas e Enerxía amosou o seu apoio ao Gran Paro Nacional convocado o 9 de xullo en Perú pola CGTP e a Coordinadora Político Social en contra das políticas neoliberais e represivas emprendidas polo Goberno de Alan García. A CIG-Químicas remitiu a súa mensaxe solidaria ás organizacións convocantes da folga e á Federación Sindical Mundial. Tamén lle trasladou a misiva ao propio Goberno peruano.