A folga do día 6 comezará desde as sete da mañá nas portas dos centros do traballo do Metal, afectados polo convenio provincial, con concentracións ás portas das empresas, e que se irán xuntando por zonas para comezar esta xornada de loita. Asi desde a Avenida de Madrid haberá un grupo de piquetes, ao que se lle xuntará a xente de Mos e Puxeiros; desde Alcalde Portanet subindo por Castrelos subirá outro grupo de piquetes, no que irán tamén os folguistas de Vincios e Coruxo. Ademais desde as sete da mañá haberá concentracións nas portas dos distintos estaleiros.

A vista contra Eduardo Álvarez, secretario comarcal da CIG-Ensino, denunciado polo xuíz-decano de A Coruña, Antonio Fraga Mandián, por unhas supostas inxurias contra este, repetiuse o 25 de xuño no Xulgado de Instrución número 4 da cidade. No decurso da vista, Fraga Mandián chegou a manifestar a súa intención de seguir empregando o topónimo ilegal “La Coruña”: “No tengo ningún rubor en utilizar la ilegalidad `La Coruña´”, dixo.

O vindeiro martes 19 de febreiro celebrarase no Xulgado do Penal nº 3 de Pontevedra un novo xuízo polo caso de nove anos de acoso laboral do alcalde de Dozón á delegada da CIG no Concello, Ana Lois Navaza. Para falar destas cuestións tivo lugar o 14 de febreiro unha rolda de prensa.

A Audiencia Provincial de A Coruña anulou a sentenza emitida polo Xulgado de Instrución número 3 de Ferrol que condenara Xesús Anxo López Pintos, secretario comarcal da CIG, por unha acción sindical nunha obra de Mugardos na que catro obreiros non cobraban.

Xesús Pastoriza, responsábel nacional da CIG-Transporte, será xulgado en A Coruña o xoves 20 de decembro, ao estar acusado de ter ocasionado uns supostos danos nos cristais dun autobús da Empresa Monforte o 3 de marzo de 2001. A acusación particular solicita para el catro anos e seis meses de cárcere e o Ministerio Fiscal, tres anos e medio, ademais de ter que pagar unha multa e indemnizar á empresa.

A Audiencia Provincial de A Coruña declarou a nulidade radical de actuacións do xuízo de faltas no que Eduardo Álvarez, secretario comarcal da CIG-Ensino de A Coruña, fora condenado a pagar unha multa de 200 euros e a indemnizar con 5.000 ao xuíz decano da cidade, Antonio Fraga Mandián, en concepto de danos morais por unhas presuntas inxurias. A vista oral terase que repetir.