Desde a CIG de Ourense están a facer visitas aos centros de traballo pertencentes á Consellaria de Medio Rural desta provincia e, atoparon problemas reais para o desenvolvemento do traballo con seguridade e saúde laboral. Até o de agora, a CIG presentou dúas denuncias ante á Inspección de Traballo, solicitando a paralización inmediata dos traballos nas torretas de vixilancia “Coto de Castro” pertencentes ao Distrito Forestal XII Miño – Arnoia e “Serra de Meda”, do Distrito Forestal XIV Verín – Viana, polo incumprimento grave das medidas de seguridade e do establecido na Lei de Prevención de Riscos Laborais e nos Regulamentos que a desenvolven.

O secretario comarcal da CIG de Ourense, Etelvino Blanco, considera que o informe da Delegación de Traballo sobre o accidente laboral acontecido no viaduto do AVE no Carballiño servirá para levar ao rego o enfoque xudicial do proceso emprendido contra as empresas construtoras, xa que sinala a falta de seguridade como causa do sinistro que custou a vida a un traballador e no que resultaron feridos graves outros catro, mais criticou “a insuficiente multa imposta por Traballo”.

Baixo o lema "Saúde laboral, dereito universal", a CIG conmemorou este ano en Ferrol o 28 de abril, Día Internacional da Seguridade no Traballo. Os actos estendéronse durante toda a xornada na Praza de Armas, onde o sindicato instalou unha carpa e un punto de información sobre prevención de riscos laborais.

Os traballadores de Viproga, empresa de Seguridade encargada do servizo de vixilancia do Complexo Hospitalario Universitario de Santiago (CHUS) concentráronse na mañá deste luns, 28 de abril, ante os accesos ás consultas externas do hospital Clínico en demanda do pago dos atrasos. En solidariedade e para manifestar o seu apoio, á concentración convocada pola CIG, sumáronse tamén outros traballadores do sector.

A CIG conmemora este ano en Ferrol o 28 de abril, Día Internacional da Seguridade no Traballo, cunha xornada repleta de actos, que se desenvolverán desde as 10:00 horas na Praza de Armas da cidade.