A CIG-Administración vén de anunciar, en rolda de prensa, a posta en marcha dunha campaña dirixida a fomentar o uso do galego en todos os ámbitos da administración pública, baixo o lema “Polo dereito ao uso do nosos idioma nas administracións públicas”. Para iso, alén de sensibilizar aos traballadores e traballadoras, exixirase dos responsábeis políticos o cumprimento da legalidade vixente nesta materia.

O Grupo de Investigación “Tecnoloxías e Aplicacións da Lingua Galega” (TALG) da Universidade de Vigo e FORGA asinaron un protocolo para elaborar e compartir recursos lingüísticos. Con este acordo preténdense establecer canles estábeis que permitan compartir e desenvolver recursos lingüísticos e terminolóxicos para o galego orientados á actividade de formación profesional e social.

A Mesa pola Normalización Lingüística vén de facer un chamamento a participar na manifestación convocada para o vindeiro domingo día 18 de maio, tras alertar da grave situación na que se atopa o galego. Carlos Callón, presidente da asociación presentou ademais o material gráfico da campaña “Polo dereito a vivirmos en galego”