A CIG de Compostela vén realizando concentracións diante do centro de traballo que Hiperxel ten en Área Central en Santiago para denunciar o despedimento e o acoso laboral ao que foi sometida unha traballadora da carnicería deste establecemento. A carnicería é xestionada pola empresa Dapor, S.L. que é a responsábel das condicións de traballo das súas traballadoras e traballadores.

Os delegados da CIG e UGT da sanidade privada veñen de acordar un calendario de concentracións en todos os hospitais da provincia da Coruña durante o mes de maio. As mobilizacións culminarán coa convocatoria dunha folga xeral de 24 horas os mércores 4 e 11 de xuño se antes non se consegue culminar a negociación do convenio.