Os alumnos do curso de Formación Profesional Ocupacional de “Soldador/a de Estruturas Metálicas Lixeiras”, impartido por FORGA, participaron no acto de doazón e colocación da escultura do ilustre galeguista Alfonso Daniel Rodríguez Castelao, xunto co profesor que impartiu o curso, Juan García, o  xerente da fundación, Antón Casal, o secretario confederal de Formación da CIG, Fernando Sabio, o secretario xeral da CIG, Suso Seixo e a concelleira de Medio Ambiente e Desenvolvemento Sustentábel do concello de Santiago, Elvira Cienfuegos.

FORGA - CIG de A Mariña vai organizar o primeiro "Encontro Sindical da Mariña" para debater sobre a situación do sindicalismo e o emprego na comarca. O evento celebrarase o sábado 24 de maio, a partir as 12:00 horas, no Restaurante Louzao de Viveiro.

O Grupo de Investigación “Tecnoloxías e Aplicacións da Lingua Galega” (TALG) da Universidade de Vigo e FORGA asinaron un protocolo para elaborar e compartir recursos lingüísticos. Con este acordo preténdense establecer canles estábeis que permitan compartir e desenvolver recursos lingüísticos e terminolóxicos para o galego orientados á actividade de formación profesional e social.