Operarios da mina de Serrabal e das factorías de Ferroatlántica de Cee e Sabón protagonizaron un acto de protesta coincidindo coa visita do presidente do Goberno español, José Luis Rodríguez Zapatero, a un dos tramos nos que se está a construír o TAV en Boqueixón.

Unha delegación dos mineiros das auxiliares de Meirama e da CIG reuniuse cos representantes do Concello de Cerceda nas mesas do carbón local e autonómicas para solicitarlles o seu apoio para que se materialice o 100% das recolocacións. As xestións urxen, posto que en xullo finalizan moitos dos contratos que teñen subscritos os mineiros coas súas empresas.